Пятница, 22.06.2018, 04:31
Приветствую Вас Гость | RSS

МБОУ "Бедиминская СОШ"

Категории раздела
Наш опрос
Оцените мой сайт
Всего ответов: 27
Статистика

Онлайн всего: 1
Гостей: 1
Пользователей: 0

Каталог статей

Главная » Статьи » Мои статьи

Сайыңңы «ҮНҮГЭСЧЭЭН» экологическай лаа5ыр
Сайыңңы «ҮНҮГЭСЧЭЭН» экологическай лаа5ыр.
Дмитриева Н.Г.
алын кылаас учуутала,
эколагерь салайааччыта
Бэдьимэ орто оскуолатын иһинэн 2005 сылтан үһүс сылын сайыңңы «ҮНҮГЭСЧЭЭН» экологическай лаа5ыр үлэлээтэ.
СЫАЛА:
О5о сайыңңы сынньалаңын тэрийии.
Эт – хаан өттүнэн чэбдигирии.
Айыл5а5а харыстабыллаах сыһыаңңа иитии.
СЫЛДЬАЛЛАР:
Алын кылаас о5олоро.
Үлэбэр:
 өбүгэ үгэстэрин, сиэрин-туомун, норуот педагогикатын тутулларын туһанабын;
 о5о5о билиини биэрии бэлэм көрүңүнэн бэриллибэт о5о бэйэтэ кэтээн, тэңнээн көрөн түмүк оңорон билэрин ситиһэбин;
 о5о о5оттон үөрэнэр үтүө өрүттэригэр оло5урабын;
Үлэм көрүңнэрэ:
 Айыл5аны кэтээн көрүү;
 Оонньуу көмөтүнэн эти – хааны эрчийии;
 Эмтээх оттору үөрэтии;
 Гербарий хомуйуу;
 Айыл5а матырыйаалын хомуйуу;
 Тыаны ыраастааһын;
 Көрдөөх сынньалаңы тэрийии;
 Бэсиэдэлэри ыытыы;
Сайын лаа5ыр бэс ыйын бүтэһигиттэн эбэтэр от ыйын саңатыттан үлэлиир. Бу кэмңэ о5о сынньалаңын тэрийэргэ ордук то5оостоох кэм дии саныыбын: 1) о5о үөрэх дьыла бүтүүтэ сынньана дьиэлэригэр тар5аһаллар. Онтон сотору буолаат коллективка, уопсай оонньууларга наадыйаллар. 2) сөтүөлүүргэ, кумахха оонньуурга, күңңэ сыламныырга ордук то5оостоох кэм. 3) улахан дьон окко баран кыра саастаах о5о эбэтэр окко сылдьыбат о5о таах сылдьар кэмэ.
Бу ыйдары толору сылдьыбаттар. Ол оннугар күһүөрү атырдьах ыйыгар отон, дөлүһүөн ситиитэ эмиэ мустан оскуолабытыгар кыра көмөнү оңоробут. Сыалбытыгар оло5уран араас көрүңнээх мероприятиелары былааннаан ыытабыт. Мин со5отох үлэһит буоларым быһыытынан бары мероприятиены со5ото5ун ыытар кыа5ым суох. Ол иһин олорор түөлбэм орто сүһүөх о5олорун мунньан баһаатай курдук илдьэ сылдьабын. Бу о5олор улахан буолан дьонноругар көмөлөрө элбэх, бириэмэлэрэ ыгым. Ол да буоллар бириэмэ булан киэһэтин араас мероприятиелары толкуйдуубут, айабыт, бэлэмниибит. Экологическай лаа5ыр буоламмыт өйүөбүтүн сүкпүтүнэн күнү быһа тыа5а, айыл5а5а сылдьабыт. Оонньуу таһынан араас күрэхтэр, бэсиэдэлэр, кэтээн көрүүлэр бараллар. Кулууп библиотекара уоппуска5а барыан иннинэ бэйэбитигэр сөптөөх араас литератураларынан хааччынабыт. Бу сыллар устата ыытыллар үгэскэ кубулуйбут мероприятиелардаахпыт. Холобур, «Ким улахан башняны тутарый?», велосипедынан күрэх, уунан ытыһыы, ысыһыы, былаах көрдөөһүнэ, айыл5аны ыраастааһын. Лаа5ырбыт бастакы уонна бүтэһик күнүгэр походка барабыт. Детсад «Ыллыкчаан» экологическай лаа5ырын кытта ситимнээхтик үлэлиибит. Гербарий хатарабыт, кыһын труд уруогар туттарбытыгар араас эриэхэлэри, дьикти мастар мутуктарын хомуйабыт.
О5олор экологическай лаа5ырга ордук тугу сөбүлүүгүт диэн ыйыттахха «сөтүөлүүрбүтүн», «оонньуурбутун», «о5олору кытта сылдьарбытын» диэн эппиэттииллэр. О5олор туох интэриэстээхтэрин билээри анкета ыыппытым. Ол түмүгүнэн буклет оңорбутум. Хаһыс да сылын сылдьар о5олор бааллар. Ону таһынан атын сиргэ үөрэнэр о5олор эмиэ хаһыс да сылын сөбүлээн сылдьаллар. Сорох о5олор улаатан аны баһаатай быһыытынан кэлэллэр, сүбэ-ама, көх-нэм буолаллар.
Бу лаа5ыр үлэтин туһунан детсад иитээччилэрин кытта Бөкө5ө экологическай оскуолалар ситимнэринэн ыытыллыбыт семинарга опыппытын тар5аппыппыт.



Категория: Мои статьи | Добавил: schbedim (12.03.2008)
Просмотров: 720 | Комментарии: 5 | Рейтинг: 0.0/0
Всего комментариев: 0
Имя *:
Email *:
Код *:
Вход на сайт
Поиск

Copyright MyCorp © 2018