Вторник, 16.10.2018, 22:51
Приветствую Вас Гость | RSS

МБОУ "Бедиминская СОШ"

Категории раздела
Наш опрос
Оцените мой сайт
Всего ответов: 27
Статистика

Онлайн всего: 1
Гостей: 1
Пользователей: 0

Каталог статей

Главная » Статьи » Мои статьи

Төрөппүтү кытта бииргэ үлэлээһин

                                           Төрөппүтү    кытта бииргэ  үлэлээһин

                                                                                                                                                                                                                                                                                                     

                                                                                                    Неустроева Екатерина Васильевна

                                                                                            Бэдьимэ орто оскуолатын соцпедагога.

 

 

Ханнык  да сайдыылаах  үйэ5э ,о5о иитиллэн , хайдах киһи  буолан тахсара   ыал оло5уттан ,ис тутулуттан  , туругуттан  тутулуктаах буолуо.

Ол  иһин  төрөппүт  оскуоланы кытта  бииргэ үлэлээһинэ хайа  да кэмнээ5эр  ордук наадалаах олохпут туруорбут соруга буолар.

   Үгэс  буолбут тэрээһиннэринэн төрөппүт уонна о5о тэңңэ кыттыылаах   «Ийэм, а5ам уонна мин – спортивнай дьиэ кэргэммит»,  уолаттар  а5алар  «Тай5ам угуйар»,  «Куйуур»,  «Мин ийэбинээн,  а5абынаан»  күрэхтэр буолаллар. «Дьиэ кэргэн сатабыла»  выставка-ярмарка, «Уруйдан айхаллан дьиэ кэргэн»  выстовка-концерт. Манна дьиэ кэргэннэр оңоһуктарын көрдөрөллөр,  дьарыктарын кэпсииллэр.  Ырыаны, үңкүүнү сөбүлээччилэр  концерт көрдөрөллөр.

    Сыл аайы иккитэ «Төрөппүт нэдиэлэтэ »  ыытыллар.  Төрөппүттэр уруокка сылдьаллар.  Кылаас родкомнара  былаанннарын көрдөрөллөр.  Бэйэлэрин саналарын  суруйан хааллараллар.  Төрөппүттэр кылаас чаастары, мероприятелары ыыталлар.  Ол курдук  «Поле чудес», «Счастливый случай»,  «Школьнай форма наада дуо?»,  ток-шоу ыыппыттара. Төрөппүттэр нэдиэлэлэрин түмүгүнэн мунньахтар ыытыллыбыттара.  Саамай элбэх  төрөппүт кыттыбыт  кылааһа  кыайыылаах  буолар.

  Детсад уонна оскуола  родкомун  төрөппүттэрэ «Эбээ, эһээ»  күнүн үһүс  сылын тэрийэн ыыталлар.

 Сыала:

Көлүөнэлэр сибээстэрин  ситимнээһин

Эбээлэргэ, эһээлэргэ кыһамньылаах,  бол5омтолоох  сыһыаңңа иитии.

    Күнүс 3ч. группаларынан аралдьыйыы,  оскуола5а кылаас  чаастара буолаллар.  Манна эбээлэр, эһээлэр  дьарыктарын кэпсииллэр,   сэрии  кэмин  о5олоро  оонньооботох о5о саастарыттан  ахтыы  оңороллор.

      Ол кэнниттэн иккис  чааһа са5аланар.  Эбээлэр,  эһээлэр бары  актовай залга родком тэрийбит төгүрүк  остуолларын  тула олорон  кэпсэтиилэрин са5алыыллар, оскуола үлэтигэр  бэйэлэрин  ба5а санааларын  этэллэр, үңкүүлээн,  ыллаан,  оонньоон да ылаллар. 

      Үһүс сылыгар  «Мин эбээбинээн,  эһээбинээн» диэн  конкурс  көрүңүнэн буолбута. 

      О5о5о  ураты истиң  сыһыаннаах  эбээлэрбит, эһээлэрбит  ити курдук  биһиги  улэбитигэр эмиэ кыттыһаллар.

      Саха  киһитин  иитэр ньыматынан  үлэнэн иитии  буолар.

      «Дьиэ кэргэн сатабылын үөрэ5э»  бырайыагынан дьиэ кэргэннэринээн  о5олор  түөлбэлэринэн ыалларга баран сатабылларын көрөн- истэн үөрэнэн кэлэллэр. О5олор дьо5урдаах сатабыллаах, үлэ үөрүйэхтэрин баһылааһын наадатын олоххо олус туһалаах эбит диэн  бэлиэтииллэр.

      Сайын  аайы   о5олорбут  биригээдэлэргэ  арахсан  пришкольнай учаастакка  сибэкки ,о5урсу ,хортуоппуй  үүннэрэллэр.Ити үлэ5э төрөппүттэр эмиэ кытталлар.Күн аайы теплица5а уу куталлар,сыыс отун  ыраастыыллар,көрөллөр-харайаллар.Биригээдэлэргэ 4-5 о5о аймахтарынан эбэтэр  түөлбэлэринэн киирэллэр уонна  төрөппүт салайааччы буолар.

Биригээдэлэр кэлэн 3-4  күн графигынан үлэлииллэр. Графиктарын соцпедагог тиэрдэр.

Маннык үлэлээн  о5урсуну атыылаан,хортуоппуйу кыһын устата остолобуойга  сииллэр.

3сыл устата оскуола5а 35 тыһыынча курдук дохуоту киллэрдибит.

     Дьэ ити курдук о5о иитиитигэр  ийэ, эбээ, а5а, эһээ  оскуола, детсад, кулууп, атын  тэрилтэлэр бары бииргэ түмсэн үлэлээтэхпитинэ үлэбит түмүктээх буолуо дии саныыбыт.                 

Категория: Мои статьи | Добавил: schbedim (12.03.2008)
Просмотров: 1032 | Рейтинг: 5.0/1
Всего комментариев: 0
Имя *:
Email *:
Код *:
Вход на сайт
Поиск

Copyright MyCorp © 2018