Вторник, 11.12.2018, 20:10
Приветствую Вас Гость | RSS

МБОУ "Бедиминская СОШ"

Наш опрос
Оцените мой сайт
Всего ответов: 27
Статистика

Онлайн всего: 1
Гостей: 1
Пользователей: 0
Главная » 2018 » Февраль » 28 » Сатабыл кунэ
11:42
Сатабыл кунэ
Сатабыл күнэ
Бэдьимэҕэ «Дьөһүөл» проект чэрчитинэн ыытыллар Сатабыл күнэ буолан ааста. Бу күн оҕолор, учууталлар, төрөппүттэр ыкса түмсүүлээхтэрин көрдөрдүлэр. Күн маҥнайгы аҥаарыгар оҕолор алтыс Неустроевскай ааҕыыга кытыннылар, биэс секция үлэлээтэ, төрөппүттэр, учууталлар дьүүллүүр сүбэҕэ олордулар, оҕолор дакылааттарын презентация көрдөрөн ситиһиилээхтик көмүскээтилэр.
“Үтүө дьон холобура” секцияҕа уон дакылаат ааҕылынна. Лауреат аатын Харитонова Дайаана “1941-1945сс. килбиэннээх үлэтин иһин наҕараадаламмыт дьон” диэн дакылаата ылла. Баатараттан төрүттээх биллиилээх дьоммут Г.Г Колесов, Д.Ф.Ходулов тустарынан дакылааттар ааҕылыннылар. Д.Ф.Ходулов туһунан аймаҕа бэһис кылаас үөрэнээччитэ Ходулов Крисьян удьуор утума салҕанарын, дьиэ кэргэнэ культура үлэтигэр таһаарыылаахтык үлэлии сылдьалларын сырдатта. Г.Г.Колесов айар үлэтин, олоҕун Аргунова Диана, Соловьев Рома дакылааттарыгар кэпсээтилэр. Бэйэтин аҕатын Яковлев Э.И. спорка анаммыт олоҕун туһунан кыыһа Яковлева Сусанна кэпсээтэ. Сергучев Данил, Яковлева Сусанна, Захарова Тома, Емельянова Дайаана, Андреева Нарыйа дакылааттара биһирэннилэр.
“Үлэ, дьиэ-кэргэн экономиката” 12 дакылаат ааҕылынна. Манна оҕолор ынаҕы, сылгыны иитии үөрүйэхтэрин туһунан кэпсээтилэр. Төрөппүттэрбитигэр төһө кыайарбытынан көмөлөһүөхтээхпит диэн түмүккэ кэлбиттэр. Лауреат аатын «Ынах сүөһүнү иитии” дакылааты сэргэхтик кэпсээбит Иванова Сардаана ылла. Салайааччыта алын кылаас учуутала Диодорова Туяра Васильевна. Михайлов Артур “Мин үлэлээн ылбыт сатабылларым”, Захаров Ким “Бэдьимэ газовай котеллара”, Винокуров Вася “Ынах сүөһү сыллааҕы сиир ото”, Семенова Арина “Биһи сылгыны тоҕо иитэбит”, Атласов Гена “Лего мин олохпор” диэн дакылааттара биһирэннилэр.
“Предметнэй билии” секциятыгар оҕолор умсугуйар предметтэригэр билиилэрин көрдөрдүлэр. Лауреат аатын Ефимов Агит, Аргунов Ким “Светодиодный куб” диэн дакылааттара ылла. Бастыҥ дакылаат салайааччыта техническэй куруһуок уһуйааччыта Плотников Игорь Афанасьевич. Корякин Айсен, Емельянова Нелли, Борисов Коля, Соловьева Лена дакылааттара биһирэннилэр.
“Тулалыыр эйгэ, экология, доруобуйа” секциятыгар 12 оҕо дакылаат аахта. “Изучение динамики наиболее распространенных и опасных заболеваний сельской местности на примере с. Бедимя Мегино-Кангаласского улуса” диэн темалаах Филиппова Яна дакылаата лауреат аатын ылла. Дакылаат салайааччыта кылаас салайааччыта Захарова Клавдия Кимовна. Оҕолор сотовай телефон, компьютер билиҥҥи кэмҥэ наадалаах буолан баран буортулааҕын анкета оҥорон ырыппыттар, оҕуруот сиэмэтэ төһө хонугунан тыллан тахсарын кэтээн көрбүттэрин суруйбуттар. Андреева Катя, Артемьева Ая, Андреева Сандаара, Данилов Аристарх, Варламова Күннэй, Захарова Тома дакылааттара биһирэннилэр.
“Төрүт культура, сатабыл” секцияҕа уон дакылаат ааҕылынна. Оҕолор бары ылбыт темаларын арыйдылар, элбэх литератураны туһаммыттар. Чинчийэр үлэҕэ бэйэлэрин санааларын хомуйбут матырыйаалларын көрдөрөн бигэргэтэн кэпсээтилэр. Ордук үчүгэйдик “Саха төрүт оонньуулара” дакылаатын бэһис кылаас үөрэнээччитэ Артем Сергучев көмүскээтэ. Артем улууска элбэхтэ миэстэлэспит, Намҥа аһаҕас турнирга бастаабыт оонньуутун хабылыгы, хаамысканы дьоһуннук билиһиннэрдэ. Онон лауреат аатын ылла. Дакылаат салайааччыта остуол оонньуутугар оҕолору уһуйааччы Попова Екатерина Николаевна. Сергеева Лера “Уһун суһуох”, Ноева Валерия “Кэскил хаһыат – оҕо-аймах доҕоро”, Захарова Иванна “Хомус алыба” дакылааттара биһирэннилэр.
Попова Екатерина Николаевна, Диодорова Туяра Васильевна, Яковлева Марина Дмитриевна хастыы да дакылааты салайбыттар, оҕолоро үрдүк ситиһиилэннилэр.
Күн иккис аҥаарыгар оҕолор бэйэлэрин сатабылларын көрдөрдүлэр. Маҥнайгы, иккис кылаас оҕолоро кумааҕынан араас сибэккилэри оҥорон туттардылар. Үһүс, төрдүс кылаастар 82 помидор, 150 перец рассадатын олортулар. Бэһис-алтыс кылаастар уон икки кыһыл сулус оҥордулар. Сэттис. ахсыс, тохсус кылаас кыргыттара 45 гвоздика оҥордулар, уон биирис кылаас кыргыттара 31 холууп, уолаттар-сибэкки иһитэ, кыайыы орденнара.
Күүстээх үлэ кэнниттэн оҕолор 3,5 м. сэргэ-торт оҥорбуттарын бары амсайдыбыт. «Сатабыллаах саһыл саҕалаах» өс хоһоогу оҕолор чахчы итэҕэйдилэр.
Уон биирис кылаас оҕолоро бу кэнниттэн баран миэлиҥсэ тулатын ыраастаатылар. Миэлиҥсэ архитектурнай памятник, онон бу кылаас шефтэһэн миэлиҥсэни күрүөлүүр санаалаахтар.
Бу көхтөөх үлэни үүннээн-тэһииннээн салайан ыыппыт иитэр үлэҕэ директоры солбуйааччы проект автора Екатерина Николаевнаҕа махталбытын тиэрдэбит.
Устиния Попова.
[hide][/hide]
Просмотров: 49 | Добавил: schbedim6548 | Рейтинг: 0.0/0
Всего комментариев: 0
Имя *:
Email *:
Код *:
Вход на сайт
Поиск
Календарь
«  Февраль 2018  »
ПнВтСрЧтПтСбВс
   1234
567891011
12131415161718
19202122232425
262728

Copyright MyCorp © 2018